مجرد ما تسمع اسمه بيجيلك حالة رعب لأن اسمه بيكون دائماً مرتبط بالحروب والقنابل والمفاعلات النووية.
اليورانيوم .. واللي اكتشفه العالم الألماني مارتن هاينرش كلابروت (Martin Heinrich Klaproth) لأول مرة في التاريخ سنة 1789م
وهو عنصر كيميائي مشع يرمز له بحرف U وعدده الذري 92.
وهو فلز قوي لونه فضي موجود في الجدول الدوري في سلسلة منفصلة في أسفل الجدول اسمها الأكتينيدات .
نظائر اليورانيوم :-
ليه نظائر كتير اشهرها يورانيوم 235 وده موجود في الطبيعة بنسبة 0.724% وعدد النيوترونات الموجودة فيه 143 نيوترون وفترة عُمر النصف ليه بتساوي 700 مليون سنة.
كما أن النظير التاني والأكثر انتشاراً هو يورانيوم 238 وده موجود في الطبيعة بنسبة 99.2% ويحتوي على 146 نيوترون وفترة عُمر النصف ليه بتساوي 4.5 مليار سنة.
اليورانيوم والقنابل الذرية :-
العنصر ده بيستخدم باستمرار في عمل القنابل الذرية…
والفكرة إن نواة ال235 لما بيحصلها انشطار بينتج عنها تحرير للنيوترونات مع شوية طاقة.
والنيوترونات المحررة دي بتروح تصطدم مع الذرات التانية فتسبب في انشطارها هي كمان.
والموضوع بيتحول لعملية متتالية متتكررة بتحصل بمعدل متزايد.
يعني كل ذرة بتنشطر بتسبب في انشطار ذرات تانية وبالتالي بينتج عنها كمية كبيرة جداً من الطاقة وعدد لا نهائي من النيوترونات.
كما وأن الطاقة الناتجة عن انشطار كل الذرات دي هي السبب في حدوث إنفجار مدمر وهي دي فكرة عمل القنبلة الذرية.
لو لاحظنا مع بعض إن اليورانيوم 235
هو اللي بيستخدم في عمل القنابل الذرية بس نسبته في الطبيعة قليلة جداً وهي 0.724% وبالتالي مش هيكون متوفر باستمرار.
وهنا بقى بنروح نجيب المتوفر في الطبيعة وهو اليورانيوم 238 وبنعمله حاجة اسمها “تخصيب”.
كما وأن تخصيبه بيتم من خلال عملية تحويله من 238 المتوفر في الطبيعة إلى اليورانيوم 235 اللي بيستخدم في إنتاج الوقود النووي.
ودي طبعاً عملية معقدة وكبيرة وبتحتاج مجهود وحرس كبير جداً.
اليورانيوم في الصناعات :-
بس زي ما بيستخدم في القنابل الذرية بيستخدم في حاجات تانية كتير زي آلات الطباعة وصناعة الحبر.
كما ويستخدم في مجال الطب لأنه بيقدر يصور ويقيس مدى كفاءة الأعضاء الداخلية للإنسان وتشخيص وعلاج الأورام السرطانية الخطيرة وده بيكون عن طريق الإشعاع اللي بيتوجه بشكل مباشر على الخلايا المصابة بالسرطان.
ووفقاً للرابطة النووية العالمية بيكون نصف الناتج السنوي منه من كندا وكازاخستان ونامبيا والنيجر وروسيا وأستراليا.
ودي كانت حكاية اليورانيوم…
اللي يعتبر من أهم العناصر الموجودة في الطبيعة واللي زي ما نقدر نستخدمها في الشر ممكن كمان نستخدمها في الخير.
mpomm